एजेन्सी,पुस २०।
उत्तरी सिरियामा गरिएको हवाई आक्रमणमा परी कम्तिमा २५ जिहादीको मृत्यु भएको छ । आक्रमणमा प्रमुख जिहादी संगठनका वरिष्ठ लडाकु पनि मारिएको अधिकारीहरुले दावी गरेका छन् ।
जबहाथ फतेह अल शाम नामक गूटमाथि गरिएको आक्रमण अमेरिका वा रुस कसले गरेको भन्ने नखुलेको ब्रिटेनस्थित सिरियन अब्जरभेटरी फर ह्यूमन राइट्सलाई उद्धत गर्दै विविसीले जनाएको छ ।
पहिले नूस्रा फ्रन्टको नामले चिनीने उक्त गूटका प्रवक्ताले भने आक्रमण अमेरिकाले गरेको दावी गरेको छ । यस्तै सिरियामा जारी युद्ध विराममा उक्त समूह संलग्न नरहेको रुस र टर्कीले जनाएका थिए ।
रुस र टर्कीको समन्वयमा सिरियाली सरकारी सेना र विद्रोही बीच गत साता युद्धविराम सम्झौता भएको थियो । यसै महिनाको अन्तिममा काजकस्तानको अस्तानामा शान्ति वार्ता गर्ने तयारी गरिएको छ । काजाकिस्तानमा तर विपक्षीले भने उक्त वार्तामा नबस्ने जनाएका छन् ।
