एजेन्सी पुष १६ । ब्राजिलमा ग्रिसका राजदुतको हत्याको संदीग्ध रहेको आशकामा प्रहरीले उनी श्रीमति र अन्य दुई जनालाई पक्राउ गरेको छ । ग्रिसका राजदुत किरिआकोश अमीरीदिश सोमबार देखि वेपत्ता भएका थिए । विबिहार उनको शब राजधानी रियो दि जेनेरियो भन्दा बाहिरी ईलाकामा जलेको कारमा फेला परेको थियो ।
प्रहरीले राजदुतकी श्रीमति फ्रान्स्वा र एक स्थानीय प्रहरीबीच अनैतिक सम्बन्ध रहेकाले दुबै जनाले मिलेर राजदुतको हत्या गरेको आशकामा उनीहरुलाई पक्राउ गरेको हो ।
राजदुतको १० वर्षको छोरी पनि रहेको जनाईएको छ । यस अघि सन् २००१ ःदेखि २००४ सम्म ब्राजिलमा दुतावासमै काम गरेका किरिआकोश यस पटक राजदुतको हैसियतमा ब्राजिलमा थिए ।
बुधबार श्रीमति फ्रान्स्वाले कसैलाई जानकारी नदिई गाडी लिएर सोमबार गएको र अहिले सम्म नआएको भनेर प्रहरीलाई खबर गरेका थिए । तर पछि राजदुत बस्ने घरको सोफामा रगत भेटिएको पुष्टी भए पछि घरमै हत्या गरेर गाडीमा शब लगेर जलाएको आशकामा प्रहरीले कार्बाही अघि बढाएको छ ।
