एजेन्सी पुष १५ । रुसले अमेरीकाको ओबामा प्रशासनले आफ्नो कार्यकालको उत्तराद्र्धमा ३५ जना रुसी कुटनीतिक अधिकारीहरुलाई देश निकाला गरेको जवाफमा त्यतिकै संख्यामा अमेरीकी कुटनीतिक कर्मचारीलाई निकाल्न गरेको विदेश मन्त्रालयको सिफारीसलाई राष्ट्रपति भ्लादीमीर पुटिनले रोक्नु भएको छ ।
पुटिनले अब डोनाल्ड ट्म्पले अमेरीकी प्रशासन सम्हाले पछि राम्रो सम्बन्ध विस्तार हुनेमा आशा व्यक्त गर्दै ती अमेरीकी कुटनीतिक नियोगका कर्मचारीहरुको देश निकालामा रोक लगाउनु भएको हो ।
विदेश मन्त्रालय मातहतका विभागहरुले ३५ जना अमेरीकी कुटनीतिक अधिकारीलाई मस्कोबाट देश निकाला गर्न सुझाव दिएका थिए । त्यस मध्य ३१ जना मस्कोबाट र ४ जना सेन्टर पिटेर्सबर्गबाट निकाल्न सुझाव दिईएको थियो ।
ओबामा प्रशासनले चुनावमा साईबर ह्याक गरेर डोनाल्ड ट्रम्पलाई चुनाव जिताएको आरोपमा ती रुसी कुटनैतिज्ञहरुलाई ७२ घण्टा भित्र देश छाड्न आदेश दिएको थियो ।
