एजेन्सी पुष १२ । दक्षिण कोरीयाको एयरलाईन्सले हवाई यात्राका क्रममा जहाजमा हंगामा गर्ने यात्रुलाई हाईभोल्टेज करेन्ट लगाउन स्टन गन प्रयोग गर्ने निर्णय गरेको छ ।
एयरलाईन्सले अब तत्कालै आफ्ना क्रु मेम्बरहरुलाई स्टनगन प्रयोगको तालिम दिने घोषणा गरेको छ ।
यो गन फायर गरे पछि पातलो तार निस्कने र त्यससले टारगेटमा लागे पछि हाईभोल्टेज करेन्टका कारण यात्रु करीब २५ मिनट सम्म बिहोस हुन सक्छ । अमेरीकी गायक रिचर्ड माक्र्सले फेसबुक तथा ट्वीटरमा कोरीयन क्रु मेम्बर यति कमजोर छन् कि उनीहरु जहाजमा हुने कुनै पनि घटनालाई नियन्त्रण गर्न नसक्ने रहेछन् भनेर लेखे पछि एयरलाईन्सले यस्तो निर्णय लिएको हो ।
केही दिन अघि माक्र्स आफ्नी श्रीमतिका साथ भियतनामबाट दक्षिण कोरीया गईरहेका बेला एक यात्रुले हंगामा मच्चाए पछि तनावमा परेका थिए । सोही बेला क्रु मेम्बरले उनलाई नियन्त्रणमा लिन नसके पछि एक यात्रुसगँ मिलेर माक्र्संले ती व्यक्तिलाई डोरीले बाधेका थिए । तर ती व्यक्तिले तीन पटक डोरी चुडाएका थिए ।
यस्तो घटना पटक पटक हुने गरेको एयरलाईन्सले बताएको छ । उनको हंगामाको फुटेजबाट पनि पुष्टी भएको एयरलाईन्सले जनाएको छ । पछि ती हंगामा गर्ने व्यक्तिले माफी माग्दै मैले जहाजमा के गरे मलाई नै थाहा छैन माफ पाउ भनेका छन् तर पनि यात्रुहरुले दुखः भने पाउनु सम्म पाएका थिए ।
