एजेन्सी पुष ११ । चीनले सोमबार अहिले सम्मकै शक्तिशाली फिप्थ जेनेरेसनको स्टेल्थ फाईटर जेटको परीक्षण गरेको छ ।
चीनीया अखबार चाईना डेलीका अनुसार एफसी ३१ नामक उक्त जेट २०१२ मा विकास गरिएको जे ३१ भन्दा निकै छरितो , भारी मात्रामा हतियार बोक्न सक्ने र डवल ईन्जिन सिस्टमको रहेको छ ।
यो हाल सम्म अमेरीकासगँ मात्र रहेको स्टेल्थ एडभान्स फाईटर जेट युएस एफ ३५ जत्तिकै क्षमतासिल रहेको र सैन्य श्रेष्ठताको लागि यसले चीनलाई एक कदम माथि पुर्याउने विज्ञहरुले अनुमान गरेका छन् । साथै चीनले युद्धपोतहरुलाई दक्षिणी चीन सागरमा तैनाथ गरेको छ ।
यस प्रति ताईवान र जापानले असन्तुष्टी जनाएका छन् । चीनले यो गस्ती र अभ्यास नियमित भएको प्रतिकृया दिएको छ ।
अमेरीकी नवनिर्वाचीत राष्ट्रपति डोनाल्ड ट्रम्पले एक चीन नीतिको विरोध गर्दै ताईवानी नेतासगँ राष्ट्रपतिको हैसियतमा गरेको टेलिफोन पछि ससकित बनेको चीनले दक्षिणी चीनीया सागरमा आफ्नो मजबुत उपस्थिति स्पष्ट गरेको छ ।
यसले अमेरीका जापान सहितको मिलेमतोमा हुन सक्ने सभावित खतरा रोक्न चीन पूर्ण तयार छ भन्ने सन्देश दिएको विज्ञहरुको भनाई छ ।
३५ लाख किलो मिटर क्षेत्रमा फैलिएको दक्षिणी चीनीया सागर एउटा व्यापारीक मार्ग मात्र नभई ठूलो मात्रामा पेट्रोलियम पदार्थ तथा प्राकृतिक ग्यास भण्डार रहेका कारण पनि आसपासका मुलुकहरुबीच दावी विरोध रहदै आएको छ ।
