एजेन्सी, पुस ६ ।
अन्तर्रा्ष्ट्रिय आतंकवादी संगठन इस्लामिक स्टेट (आईएस) ले डेनमार्ककी नागरिक जोआना पलानीको टाउकोको मूल्य तोकेको छ ।
आईएसले जोआनाको हत्या गर्नेलाई १० लाख डलर दिने घोषणा आईएसले गरेको छ ।
ठूला शक्ति राष्ट्रहरुलाई आतंकित बनाइरहेको आईएस अहिले एक कुर्दिश मूलकी २३ वर्षीया युवतीका कारण आफैं आतंकित भइरहेको छ । कुर्दिश रिभोल्युशनसँग मिलेर उनी आईएसविरुद्ध युद्धमा सहभागी उनी हाल कोपेनहेगनस्थित जेलमा छिन् ।
सन् २०१४ मा विश्वविद्यालयको पढाइ छोडेर सिरिया र इराकमा आईएसविरुद्ध युद्धमा लागेकी उनीविरुद्ध अदालतमा मुद्दा चलिरहेको छ ।
डेनमार्कको कानुनअनुसार त्यहाँका नागरिकले अन्य मुलुकका लागि युद्ध गर्न पाउँदैनन् । उनीमाथि आईएसलाई डेनमार्कको मध्यपूर्वमा स्थापित गरेको आरोप पनि लागेको छ । उनले आफ्नो फेसबुकमा डेनमार्क मै सैन्य तालिम लिएर आईएसविरुद्ध लडेकी भन्दै डेनमार्क र अन्य मुलुकका लागि कसरी खतरा भएँ ? भनेर प्रश्न गरेकी छन् ।
उनलाई आईएसले लगातार धम्की दिइरहेको छ । आईएसले टाउकाको मूल्य तोकेकोमा भने कुनै प्रतिक्रिया जनाएकी छैनन् ।
