एजेन्सी ५ पौष ।
टर्कीमा रुसी राजदुतलाई प्रहरी अधिकारीले गोली हानी हत्या गरेका छन् । राजदुत एन्ड्रे कार्लोफललाई हत्या गरिए पछि रुसले कडा चेतावनी जारी गरेको छ ।
यसलाई रुसी विदेश मन्त्रालयले चरम आतंकवादी हमलाको रुपमा संज्ञा दिएको छ । राजधानी अंकारामा गोली हानिएका राजदुत कार्लोफलाई अस्पतालमा उपचारका लागि भर्ना गरिए पछि मृत्यु भएको थियो ।
एउटा आर्ट ग्यालरीमा प्रहरी परिचय पत्र देखाएर प्रवेश गरेका २२ वर्षे मेलवुत नामक प्रहरी अधिकारीले गोली चलाएका थिए । उनले रुसले सिरीयाको राष्ट्रपति बसर अल असदलाई समर्थन गरेकोमा आक्रमण गरेको बताएका छन् ।
आक्रमण पछि टर्कीका राष्ट्रपति रेचेप तेप अर्दआदानले रुसी राष्ट्रपति भ्लादीमीर पुटिनलाई टेलिफोन गरी हत्याको बारेमा दुखः व्यक्त गर्नु भएको छ ।
उहाले यो आक्रमण दुवै देशबीच सकारात्मक सम्बन्ध बनिरहेका बेला भएको भन्दै यसले दुवै देशको सम्बन्धमा असर नपार्ने बताउनु भएको छ ।
