एजेन्सी ,३ मंसिर ।
प्रेस स्वतन्त्रताको माग गर्दै पोल्याण्डको राजधानी वार्सामा पुन प्रदर्शन शुरु भएको छ । संसदीय गतिविधिको रिपोर्टिङमा सीमित पत्रकारलाई अनुमति दिने सरकारी योजनाविरुद्ध प्रदर्शन सुरु भएको छ ।
राष्ट्रपतीय भवनमा जम्मा भएका प्रदर्शनकारी संसद भवनतर्फ अगाडि बढेका थिए । संसदभित्र पनि विपक्षी सांसदहरुले शुक्रबारदेखि विरोध गरिरहेका छन् ।
पोलिस प्रधानमन्त्री वियटा ज्योड्लोले टेलिभिजन सम्बोधनमार्फत विपक्षी सांसदको कदम निन्दनीय भएको भन्दै अरुको विचारको पनि सम्मान गर्नु पर्नेमा जोड दिनुभयो ।
पोलिस सरकारले सीमित पत्रकारलाई मात्र संसदीय गतिविधिको रिपोर्टिङ गर्न दिने योजना अगाडि सारेको छ । तर विपक्षी सांसदहरुले भने सरकारले प्रेस स्वतन्त्रतामाथि दमन गर्ने प्रयास गरेको आरोप लगाएका छन् ।
यूरोपियन परिषद्का अध्यक्ष एवं पूर्व पोलिस प्रधानमन्त्री डोनाल्ड टस्कले पोलिस सरकारको कदमको आलोचना गर्दै सञ्चारमाध्यममाथिको अंकुशले प्रजातन्त्र, तानाशाही व्यवस्थामा परिणत हुने बताएका छन् ।
