एजेन्सी पुष २ । अमेरीकी राष्ट्रपतिय निर्वाचनमा पराजीत डेमोक्रयाटीक उम्मेद्धार हिलेरी क्लिन्टनले रुसका कारण नै आफू पराजीत भएको दावी गर्नु भएको छ ।
आफ्नो चुनावी अभियानमा आर्थिक सहयोग गर्नेहरुलाई सवोधन गर्दै क्लिन्टनले पाच वर्ष पहिले आफूले रुसी संसदीय निर्वाचनमा धादलीको विषय उठाएको र त्यस क्रममा रुसी राष्ट्रपति पुटिन आफूसगँ व्यक्तिगत रुपले समेत रिसाएकाले उनैको संलग्नतामा साईबर हस्तक्षेप भएका कारण आफू पराजीत भएको दावी गर्नु भएको छ ।
यसै गरी रुसले हिलेरी क्लिन्टनका प्रमुख सहयोगीको ईमेल ह्याक गरेको पनि दावी गरिएको छ । रुसले यी सबै आरोपको खण्डन गर्दै आएको छ ।
तर अमेरीकी नवनिर्वाचीत राष्ट्रपति डोनाल्ड ट्रम्पले रुसले हस्तक्षेप गरेको भन्नु गलत भएको भन्दै राजनीति गर्न खोजिएको बताउनु भयो ।
सिआईएले हस्तक्षेप भएको अनुमान गरे पनि सार्वजनिक रुपमा कुनै प्रमाण नरहेको बताएको छ ।
