एजेन्सी पुष २ । चीनले दक्षिणी चीन समुन्द्रबाट अमेरीकाको नौसैनिक ड्रोन कब्जा गरेको छ । चीनले आफ्नो दावी गरीरहेको यस सागरमा युद्धपोत र जहाज वेला वेलामा पठाउने गरेको थियो ।
विहिबार नियन्त्रणमा लिईएको उक्त जहाज फिर्ता गर्न अमेरीकाले चीनलाई आग्रह गरेको छ । अमेरीकी रक्षा मन्त्रालय पेन्टागनका प्रवत्ता क्याप्टेन जेफ डेविसले ओसन ग्लाईडर नामक यस ड्रोनलाई पानीको भित्री सतहका च्यानलहरु पत्ता लगाउने, तापमान पत्ता लगाउने कार्यका लागि प्रयोग गर्ने गरिएको बताए ।
उनले यसलाई चीनले कब्जा गरेको भन्दै त्यस ड्रोनसगँ समुन्द्रको डाटा रहेको बताए । उनले यो अमेरीकाको सम्पत्ति रहेको र यसले सैनिक सर्वेक्षण गरीरहेकाले यसलाई हटाउन नसकिने बताए । चीन र अमेरीकाबीच पछिल्लो राष्ट्रपति निर्वाचनमा ट्रम्प आए पछि ताईवानी नेतासगँको टेलिफोन कुराकानी सहित विभिन्न विषयमा तनाव बढ्ने संकेत देखिएका बेला यो घटना भएको हो ।
