एजेन्सी २० मंसिर ।
न्युजिल्याण्डका प्रधानमन्त्री जोन कीले पदबाट राजीनामा दिने घोषणा गर्नुभएको छ । ८ वर्षदेखि न्युजिल्याण्डको प्रधानमन्त्री रहनु भएका कीले कीले श्रीमतीको आग्रहमा राजीनामा दिने घोषणा गर्नुभएको अन्तर्राष्ट्रिय सन्चार माध्यमले जनाएका छन् ।
राजीनामाको निर्णय आफ्नो जीवनको सबैभन्दा कठिन निर्णय रहेको प्रधानमन्त्री कीले बताउनुभएको छ । कीको राजिनामापछि अब बिल इंग्लिस न्युजिल्याण्डको प्रधानमन्त्री बन्ने सम्भावना रहेको छ ।
की सन् २०१४ को सेप्टेम्बरमा तेस्रो कार्यकालका लागि प्रधामन्त्री बन्नुभएको थियो । उहाँले आफू प्रधानमन्त्री हुँदाको मूल्य आफ्ना सन्तानले चुकाउनु परेको बताउनु भएको छ ।
साप्ताहिक रुपमा हुने पत्रकार सम्मेलनका क्रममा प्रधानमन्त्री कीले पारिवारिक कारणले राजीनामा दिन लागेको जनाउदै आगामी डिसम्बर १२ मा औपचारिक रुपमा राजीनामा आउने बताउनु भयो ।
