एजेन्सी ,मंसिर १७।
संयुक्त राष्ट्रसंघका महासचिव वान कि मुनले हाईटीमा हैजाको संक्रमण फैलनमा राष्ट्रसंघको भुमिका रहेको प्रति माफी माग्नुभएको छ ।
तीव्र रुपमा फैलिएको जीवाणुका कारण हाईटीमा झण्डै १० हजारको मृत्यु भएको थियो । आफ्नो कार्यकाल सकिन केही महिनामात्र बांकी रहंदा महासचिव वानले घटनाको ६ बर्षपछि संक्रमण रोक्न नसक्नु दुखद भएको बताउँदै राष्ट्रसंघको भुमिकाप्रति दुस्ख ब्यक्त गर्नुभएको हो ।
संक्रमण कहाँबाट हाईटी पुगेको हो भन्नेबारे भने वानले केही खुलाउनुभएको छैन । राष्ट्रसंघिय क्याम्पबाट निस्किएको ढलको पाईप मार्फत हैजाको प्रकोप फैलिएको प्रतिवेदन सार्वजनिक भएको थियो ।
लामो समय सम्म हैजाको संक्रमण फैलिनुमा आफ्नो संलग्नता अस्वीकार गर्दै आएको राष्ट्रसंघले गत अगष्ट महिनामा मात्रै स्वीकार गरेको हो ।
तर राष्ट्रसंघले आफ्नो कुटनीतिक सम्बन्धका आधारमा पीडित परिवारलाई क्षतिपुर्ति दिन बाध्य नरहेको बताएको छ ।
