एजेन्सी ,१४ मंसिर ।
ब्राजिली फुटबल खेलाडी सहित ८१ जना सवार विमान दुर्घटना हुँदा कम्तिमा ७६ जनाको मृत्यु भएको छ । ५ जनाको जीवितै उद्दार गरिएको छ । बोलिभियाबाट कोलम्बियाको मेडेलिन शहरतर्फ जादै गरेको बिमान पहाडी क्षेत्रमा दुर्घटनामा परेको हो ।
बोलिभियाबाट कोलम्बियाको मेडेलिन शहरतर्फ जादै गरेको बिमानमा पत्रकार, खेल अधिकारी तथा अन्य केही व्यक्ति समेत सवार रहेको बताइएको छ ।
अन्यको खोजी तथा उद्दारकार्य जारी रहेपनि मौसमी प्रतिकूलताका कारण केही कठिनाई भएको अधिकारीहरुले जनाएका छन् ।
ब्रजिलियन फुटवल क्लव चापेकोएन्सका खेलाडी तथा सदस्यका लागि चाटर्ड गरिएको विमान दुर्घटना भएको हो ।
दक्षिण अमेरिकी क्लब फुटबलको दोस्रो ठूलो प्रतियोगिता कोपा सुडामेरिकानाको फाइनल प्रतियोगिताका लागि सो टोली कोलम्बियाको मेडेलिन जाने क्रममा थियो ।
विमानले अन्तिम पटक विद्युतीय खराबी आएको जानकारी नियन्त्रण कक्षलाई गराएको विमानस्थलद्वारा जारी विज्ञप्तीमा उल्लेख छ ।
