एजेन्सी मंसीर ११ । पाकिस्तानको नया प्रधान सेनापतिमा बलोच रेजिमेन्टका लेफ्टििनेन्ट जनरल क्वमार जाभेद वाज्वा नियुक्त हुनु भएको छ ।
भारतसगँको सम्भावित युद्धको परिस्थितिका कारण वर्तमान सेनापति राहिल सारिफ सेवा निवृत भएकाले नया प्रधानसेनापति को बन्ने भन्ने चासोका बीच वाज्वा नियुक्त हुनु भएको हो ।
अहिलेका सफल मानिएका सेनापति राफिलको भव्य विदाई समेत भएको छ । उनले सरकार र जनताको मन जीत्दै देशको सुरक्षामा ठूलो भूमिका निर्वाह गरेको सञ्चारमाध्यमहरुको टिप्पणी छ ।
क्यारीयर ईन्फेन्ट्री अफिसरको रुपमा कार्यरत रहेका बाज्वाले सेनामा उच्च स्तरमा भूमिका निर्वाह गर्दै आएकाले प्रधानमन्त्री नवाज सरीफले चयन गरेको पाकिस्तानी सञ्चारमाध्यमहरुले जनाएका छन् । यसै गरी जनरल जुवेर हायातलाई जोईन्ट चिफ अफ् स्टाफ्सको अध्यक्षमा बढुवा गरिएको छ ।
यस्तै अन्य दुई जर्नेलको पनि बढुवा भएको छ । बाज्वा क्यानडा, अमेरीका र पाकिस्तानमा विभिन्न सैन्य कोर्स गरेका अनुभवि सैन्य अधिकारी मानिन्छन् ।
उनले सन् १९८० बाट बलोच रेजिमेन्टबाट सेवा शुरु गरेका थिए । बाज्वाले आगामी मंगलबारबाट कार्यभार सम्हाल्ने जनाईएको छ ।
पाकिस्तान आणविक शक्ति सम्पन्न विश्वकै छैठौ ठूलो सैन्य शक्ति राष्ट्र हो ।
