एजेन्सी ,११ मंसिर ।
क्युवाका पूर्व राष्ट्रपति फिडेल क्यास्ट्रोको ९० बर्षको उमेरमा आज निधन भएको छ ।
क्युवाको कम्युनिष्ट आन्दोलनका अगुवा क्याष्ट्रोको स्थानिय समय अनुसार राति साढे १० बजे निधन भएको अन्तराष्ट्रिय सन्चार माध्यमले जनाएका छन् ।
फिडेलका भाई राहुल क्यास्ट्रोलाई उदृत गदै क्युवाको सरकारी र राज्य टेलिभिजनले क्यास्ट्रोको मृत्युको औपचारिक जानकारी गराएको बिबिसिले जनाएको छ ।
उहाँ सन् १९५९ देखी १९७६ सम्म क्युवाको कार्यकारी प्रधानमन्त्री र ७६ पछि २००८ सम्म राष्ट्रपतिको रुपमा रहनुभएको थियो ।
क्युवालाई आधा शताब्दी नेतृत्व गर्नुभएका उहाँको क्युवालाई कम्युनिष्ट राज्यको रुपमा स्थापित गर्दा अमेरिका लगायत बिश्वका शक्तिसम्पन्न राष्ट्र र क्युवाकै बिपक्षी दलले ब्यापक आलोचना गरेका थिए ।
सन् १९५९ देखी २००८ सम्म क्युवालाई नेतृत्व दिनुभएका क्यास्ट्रो प्रधानमन्त्री बनेपछि अमेरिकाको कटु आलोचक बन्नुभएको थियो ।
आफ्नो स्वास्थ्यमा समस्या आएपछि भाई राहुल क्यास्ट्रोलाई जिम्मेबारी सुम्पदंै सक्रिय राजनितीबाट उहाले सन् २००८ मा बिदा लिनुभएको थियो । उहाँले गत अप्रिलमा कम्युनिष्ट पार्टीको सभालाई अन्तिम पटक सम्बोधन गर्नुभएको थियो ।
