कार्तिक १६ एजेन्सी । भारत र पाकिस्तानबीच लगातार गोली हानाहान हुदा ७ जना सर्वसाधारण मारिएको भारतीय सञ्चार माध्यमहरुले जनाएका छन् । जसमा एक जना महिला समेत रहेको उल्लेख गरिएको छ । रामगढ सेक्टरमा मंगलबार बिहानैको भीडन्तमा यो घटना भएको र आफूहरुको जवाफी कार्बाहीमा २ पाकिस्तानी सेना मारिएको र १४ वटा पोष्ट ध्वस्त पारेको भारतीय सेनाले दावी गरेको छ । अन्य एक दर्जन जति घाईते भएको भारतीय सेनाले जनाएको छ । पाकिस्तानी रेन्जर्सको गोलीका कारण ती नागरिक मारिएको भारतले जनाएको छ ।
उता पाकिस्तानले सोमबार आफ्ना ६ जना नागरिक भारतीय सेनाले प्रहार गरेको गोली लागेर मारिएको भन्दै पाकिस्तानले विरोध जनाएको छ ।
पाकिस्तानी विदेश कार्यलयका अफिसर डा. मोहम्मद फैसल ले भारतीय उच्चायोगका उप उच्चायुक्त जेपी सिंहलाई बोलाएर कडा शब्दमा पाकिस्तानी नागरिक मारिएको घटनाको निन्दा गर्नु भएको छ । पछिल्लो एक वर्षमा भारतीय सेनाले १ सय ७८ पटक युद्ध विराम गरेको भन्दै २००३ को युद्धविराम सम्झौताको मर्म पालना गर्न भारतलाई उहाले आग्रह गर्नु भयो ।
