एजेन्सी , कात्तिक १३ । अमेरिकी र दक्षिण कोरियाली जासुसका कारण क्षेप्यास्त्र परीक्षण कार्यक्रम असफल भएके आशंकामा उत्तर कोरीयाले अनुसन्धान सुरु गरेको छ ।
अमेरिका र दक्षिण कोरियाको भूमिका रहेको हुन सक्ने आशंकाका साथ उत्तर कोरियाली नेता किम जोङ उनले छानविन थाल्नुभएको हो ।
उनले मुलुकले क्षेप्यास्त्र परीक्षणमा मुलुकले झेल्नु परेको असफलताबारे अमेरिकी र दक्षिण कोरियाली जासुसको भूमिकालाई लिएर गम्भीर छानविन गरिरहेको अन्तराष्ट्रिय सन्चारमाध्यमले जनाएका छन् ।
उत्तर कोरियाद्वारा परीक्षण गरिएका केही क्षेप्यास्त्र सफल नहुनुमा अमेरिका र दक्षिण कोरियाको भूमिका रहेको हुन सक्ने आशंकाका साथ छानविन अघि बढाइएको अधिकारीहरुको भनाइ छ ।
मुसुडान क्षेप्यास्त्र आठ पटकसम्म परीक्षण गर्दा एक पटकमात्र सफल भएको थियो । यी असफलताका लागि उत्तर कोरियाले आफ्नो मुलुकको परमाणु हतियार कार्यक्रममा जुटेका अधिकारीहरु मध्ये केही अमेरिकी र दक्षिण कोरियाली जासुस हुन सक्ने आशंका गरेको छ ।
