एजेन्सी कार्तिक १२ । भारत र पाकिस्तानबीच तनाव बढीरहेका बेला दुवै देशले एक एक जना कुटनीतिक नियोगका सदस्यलाई देश छोड्न आदेश दिएका छन् ।
भारतले पाकिस्तानी उच्चायोगका सदस्यलाई ४८ घण्टा भित्र देश छोड्न आदेश दिए पछि पाकिस्तानले पनि केही घण्टा भित्रै भारतीय उच्चायोगका कर्मचारीलाई त्यस्तो आदेश दिएको थियो ।
पाकिस्तानी उच्च आयोगका सदस्य महमुद अख्तरलाई जासुसको आरोपमा प्रहरीले पक्राउ गरेर देश छोड्न आदेश दिए पछि पाकिस्तानले पनि त्यस्तै प्रकारको निर्णय गरेको थियो ।
पाकिस्तानी विदेश सचिव अहमद चौधरीले सुरजित सिंह नाम गरेका आयोगका कर्मचारीले भियना कन्भेन्सन र राजनीतिक मापदण्ड विपरीत गतिविधि गरेकाले ४८ घण्टा भित्र पाकिस्तान छाड्न आदेश दिएको बताउनु भयो ।
दुवै देशबीच तनाव बढीरहेका बेला यो समानान्तर घटना भएको हो ।
सिमा क्षेत्रमा भारत र पाकिस्तानी सेनाबीच निरन्तर गोली हानाहान चलिरहेको पनि खबर आएको छ ।
