एजेन्सी कात्तिक ८ । भारतको ओडिसा स्थित मलकानगिरीमा प्रहरीसँगको मुठभेडमा १८ जना माओवादी लडाकु मारिएका छन् । प्रहरीको कारबाहीमा कयौं माओवादी लडाकुहरु घाइते भएको दावी सरक्षा फौजले गरेको छ ।

घटनास्थलबाट प्रहरीले ठूलो संख्यामा हतियार तथा गोलाबारुद समेत बरामद गरेको दावी गरेको छ । आज बिहान ६ बजे कियासिर बेगानगी जंगलमा भएको मूठभेडमा उनीहरुको मृत्यु भएको हो ।

आन्ध्रप्रदेश पुलिसको विशेष फोर्स र ओडिसा पुलिसले माओवादी लडाकु विरुद्ध संयुक्त कारबाही गरेको हो ।

घटनास्थलबाट प्रहरीले चार थान एके फोर्टि सेभेन राइफल, दुई थान एसएलआर र दुई थान इन्सास राइफल बरामद गरेको छ ।
कारबाहीपछि सुरक्षाकर्मीले जंगललाई घेराउ हालेका छन् । त्यहाँ थप सुरक्षाकर्मी पठाईएको छ ।
ओडिसा छत्तीसगढ लगायतका राज्यमा माओवादी प्रभावित क्षेत्र निकै रहेको बताईन्छ ।

उत्तरी सागरमा कार्बन भण्डारण सुरु

उच्च मुद्रास्फीतिको सामना गर्न जापानमा ब्याजदर ३१ वर्ष यताको उच्च बिन्दुमा

ट्रम्प प्योङयाङसँग वार्ताको पक्षमा

रुसी संसदीय निर्वाचनका लागि मतदान सुरु

राष्ट्रसङ्घ महासभामा सहभागी हुन इरानी राष्ट्रपति र विदेशमन्त्रीलाई अमेरिकाको भिसा

हुथी आक्रमणपछि यमनमा एक लाख २५ हजारभन्दा बढी विस्थापित