एजेन्सी असोज २८ ।
अमेरिकी aराष्टपति पदका रिपब्लीकन उम्मेदवार डोनाल्ड ट्रम्पले आफू माथी लागेको यौन उत्पीडन आरोपको खण्डन गर्नु भएको छ । फ्लोरिडाको वेष्ट पाममा भएको र्यालीलाई सम्बोधन गर्दै ट्रम्पले आफ्नो समर्थकको सामू आफूमाथि लागेको यौन उत्पीडनको आरोप झुटो भएको बताउनु भएको हो ।
आरोप लगाउने महिलाहरुले नै झुटो बोलेको बताउदै ट्रम्पले सो महिलाको राष्ट्रपति पदका अर्की उमेदवार हिलारी क्लिन्टनसँग मिडियाको साठगाठ रहेको उल्लेख गर्नु भएको छ । यौन उत्पीडनको आरोपमा कुनै सत्यता नभएको बताउदै उहाँले सो आरोप आफूलाई हराउनका लागि मात्र केन्द्रित भएको बताउनु भयो ।
केही महिलाहरुले ट्रम्पले आफूलाई गलत नियतले छोएको वा जबरजस्ती चुम्बन गरेको बताएका छन् । सन् २००५ मा महिलाप्रति अश्लिल टिप्पणी गरेको भिडियो सार्वजनिक भएपछि समस्या परेका यौन उत्पीडनको कुराले थप समस्या उत्पन्न भएको हो ।
अमेरिकी प्रथम महिला मिशेल ओबामाले महिला सम्बन्धी ट्रम्पको भनाई आश्चर्य लाग्दो रहेको बताउनुभयो । महिलाका बारेमा ट्रम्पको अश्लिल टिप्पणीले आफूलाई त्रसित बनाएको मिशेलको भनाई छ ।
ट्रम्पको महिला प्रति टिप्पणी निकै क्रुर रहेको र यसलाई लुकाउन नसकिने समेत उहाँले बताउनुभयो ।
