असोज २४ एजेन्सी । पाकिस्तानी प्रधानमन्त्री नवाज सरीफले भारतले कास्मीरका जनतामाथि दमन गरेर उनीहरुको स्वतन्त्रताको मागलाई आतंकवादसग‘ जोडेर गल्ती गरीरहेको बताउनु भएको छ ।
पाकिस्तानी मुस्लिम लिग पार्टीको एक बैठकको अध्यक्षता गर्दै प्रधानमन्त्री सरीफले पाकिस्तानले कास्मीरका जनताको मुद्धालाई अन्तराष्ट्रिय मञ्चमा निरन्तर उठाउने बताउनु भयो । साथै उहाले बलुचिस्तानका जनताले चाईना पाकिस्तान आर्थिक करीडोरबाट सबै भन्दा बढी लाभ लिने बताउनु भएको छ ।
उहाले यो परियोजना अन्तर्गत महत्वपूर्ण परियोजनाहरु शुरु हुने र सन् २०१८ भित्र १० हजार मेगावाट विद्युत थपिने भएकाले आर्थिक दृष्टिले पनि महत्वपूर्ण रहेको बताउनु भयो । बलुचिस्तानमा कृषकलाई राहत पुग्ने गरी र पूर्वाधार विकासमा महत्वपूर्ण कामहरु गर्ने पनि घोषणा प्रधानमन्त्रीले गर्नु भएको पाकिस्तानी सञ्चारमाध्यमहरुले जनाएका छन् ।
