एजेन्सी ,२५ असार ।
गत महिना मस्कोस्थित अमेरिकी दुतवास नजिकै आफ्ना एक कुटनीतिज्ञमाथि भएको आक्रमणको जवाफ स्वरुप अमेरिकाले दुई रुसी कुटनीतिज्ञलाई देश निकाला गरेको छ ।
अमेरिकी विदेश मन्त्रालयका प्रवक्ता जोन किर्बीले दुई रुसी कुटनीतिज्ञलाई गत जुन १७ मा मुलुक छाड्न दिर्नेशन दिइएको बताउनुभयो । यद्यपी ती दुई रुसी कुटनीतिज्ञको नाम भने नखुलाइएको बीबीसीले जनाएको छ ।
प्रवक्ता किर्बीले जुनको पहिलो साता अमेरिकी कुटनीतिज्ञमाथि भएको आक्रमणको जवाफ स्वरुप उनीहरुलाई निस्कासन गरेको बताउनुभयो ।
गत जुन ६ मा मस्कोस्थित अमेरिकी दुतावासको सरक्षार्थ खटिएका सुरक्षाकर्मीले सुरक्षा जाँचका क्रममा एक अमेरिकी कुटनीतिज्ञमाथि आक्रमण गरेका थिए ।
रुसले ती व्यक्ति कुटनीतिज्ञ नभई अमेरिकी गुप्तचर संस्था ऋक्ष्ब् को एजेन्ट भएको र उनले आफ्नो परिचयपत्र देखाउन नमानेपछि सुरक्षाकर्मीले आवश्यक कदम चालेको जनाएको छ ।
अमेरिकी अधिकारीहरुले पछिल्लो समय आफ्ना कुटनीतिज्ञहरुमाथि रुसी सुरक्षा निकायबाट दुव्र्यवहारको घटना बढेको आरोप लगाउदै आएका छन् ।
