संयुक्त राष्ट्रसङ्घ, ७ माघ ।
संयुक्त राष्ट्रसङ्घले लिबियामा बन्ने नयाँ राष्ट्रिय एकताको सरकारको स्वागत गरेको छ ।
संयुक्त राष्ट्रसङ्घीय सुरक्षा परिषद्ले लिबियाली राजनीतिक दलहरूको सो निर्णयको स्वागत गरेको हो ।
लिबियाको संसदले त्यहाँ गहिरिँदो राजनीतिक सङ्कटको समाधानका लागि सबै दलको सहमतिमा नयाँ राष्ट्रिय एकताको सरकार निर्माण गरिने जनाएको हो ।
संयुक्त राष्ट्रसङ्घको सहयोगमा हालै मात्र त्यहाँको संसदले नयाँ सरकार गठन गरिने प्रस्ताव पारित गरेको हो । सो प्रस्तावबमोजिम बन्न लागेको नयाँ सरकारको सुरक्षा परिषद्ले स्वागत गरेको जनाइएको छ ।
सो सहमतिबमोजिम ३२ सदस्यीय नयाँ सरकारको घोषणा गरिएको छ । सो घोषणाबमोजिम निर्माण हुने सरकारको नेतृत्व फाइज अल सेराजले गर्नुहुने बताइएको छ ।
सिरियाको राष्ट्रिय सहमतिको सरकारअन्तर्गत चारजना उपप्रधानमन्त्री रहने छन् । साथै उक्त सरकारको कार्यकाल शुक्रबारको संसद बैठकले तय गरेबमोजिम हुने छ ।
