अफगानिास्तान, ३ माघ ।
अफगानस्तिानको जलालाबाद सहरमा एक प्रख्यात राजनितिज्ञको घरलाई लक्ष्यगरी भएको आत्मघाती बम विस्फोटमा परी कम्तीमा १३ व्यक्तिको मृत्यु भएको छ ।
अफगानिस्तानको पूर्वी सहरमा एक सातामा नै यो दोस्रो पटक आक्रमण भएको हो ।
जलालाबादको प्रान्तीय राजधानी नान्र्गाहारका गभर्गर सिन्वारीको घरलाई लक्ष्यगरी गरिएको यस आक्रमणमा परी १३ व्यक्तिको मृत्यु हुनुको साथै अन्य १४ घाइते भएका छन् ।
सिन्वारी नान्र्गाहार प्रान्तीय परिषदको प्रख्यात सदस्य हुनुहन्छ । उहाँका परिवारजनका अनुसार उहाँ स्थानीय राजनितिमा पनि व्यस्त हुनु भएको जनाइएको छ ।
उता , सिरियाको दिर अल जोर क्षेत्रमा आइएसले गरेको आक्रमणमा परि १ सय ३५ जनाको मृत्यु सिरियन अब्जरभेटरी फर ह्युमन राइट्सले जनाएको छ ।
त्यसमा ८५ जना सर्वसाधारण र ५० जना सैनिकको मृत्यु भएको जनाएको छ । तर सिरियाली सरकारी समाचार एजेन्सी सानाले करिब तीन सय नागरिकको मृत्यु भएको दाबी गरेको छ ।
