फिलिपिन्समा कोप्पु नामक समुद्री आँधीका कारण जनजीवन निकै प्रभावित बनेको छ ।
आँधीका कारण दुई सय ५० किलोमिटर प्रतिघण्टा भन्दामा माथिको गतिमा हावा चलेको आँधीसँगै ठूलो पानी पनि परेको वीवीसीले जनाएको छ ।।
आँधीका कारण तीन दिनसम्म वर्षा हुनसक्ने भन्दै बाढी तथा पहिरो उच्च जोखिम रहेको त्यहाँका मौसमविदले बताएका छन् ।
आज बिहान सबेरै फिलिपिन्स प्रवेश गरेको आँधीका कारण सबै आन्तरिक उडान रद्द गरिएको तथा तटिय क्षेत्रका मानिसलाई सुरक्षित स्थानमा सारिएको वीवीसीले जनाएको छ ।
उक्त आँधीपछि तिब्र गतिमा हावा चलेपनि आँधीको बेग विस्तारै अघि बढेकाले बुधबारसम्ममा मात्र आँधी ताइवान तर्फ जाने मौसमविदको अनुमान गरिएको छ ।
फिलिपिन्समा दुई वर्ष अघि आएको हायान आँधीका पीडित पुनस्र्थापति भैनसकेका बेला फेरि अर्को आँधी आएको हो ।
सन् २०१३ आएको हायान आँधीका कारण ६ हजार ३ सय भन्दा बढी मानिसको ज्यान गएको थियो ।
