चितवन जेष्ठ १६ ।
अहिले भूकम्पको पीडिाको समयमा सबै क्षेत्रबाट स्वयंसेवामा खटिने क्रम चलिरहेको छ । नेता देखि जनताका विभिन्न तह र तप्काका मानिसहरु स्वयंसेवामा खटिरहेका छन् ।
चितवन मेडिकल कलेजमा अध्ययनरनत नेकपा माओवादी निकट अखिल क्रान्तिकारीका मेडिकल स्टुडेन्टहरु अहिले चितवनमा गोरखा, मकवानपुर, दोलखा, सिन्धुली लगायतका जिल्लाबाट चितवनमा अस्थायी वसोवासका लागि आएका भूकम्प पीडित जनताको लागि टहरा निमार्ण, राहत संकलन र वितरणमा काम गरीरहेको अखिल क्रान्तिकारी चितवन मेडिकल कलेजका अखिल क्रान्तिकारीका अध्यक्ष प्रकाश चन्दले जानकारी दिए ।
चन्दका अनुसार ती विद्यार्थीहरुले २ लाख नगद संकलन गरेका छन् भने ४० वण्डल जस्तापाता, ५ क्विन्टल चामल र ५० केजी दाल दिएका छन् ।
सो टिमले यस अघि पनि गोरखाको बारपाक लगायतका ठाउमा पुगेर उद्धार तथा राहतको काम गरेको थियो ।
अहिले चितवनमा अजय विक्रम शाह र विजय विक्रम शाहको नाममा रहेको १० विघा जति विवादीत जगामा सयौ भूकम्प पीडितहरु आएका छन् । जसका लागि विप्लव माओवादीले टहरा निमार्ण गरीरहेको छ ।
