बैशाख २६ ।
रुसले दोस्रो विश्व युद्धमा नाजी जर्मनहरुमाथि बिजय हासिल गरेको उपलक्ष्यमा हाल सम्मकै सबै भन्दा ठूलो सैन्य परेडको आयोजना गरेको छ ।
विश्व युद्धको सत्तरी वर्ष पुगेको अवसरमा आयोजित यो सैन्य परेमा चीनीया राष्ट्रपति सि जिन पिङ , भारतीय राष्ट्रपति प्रणव मुखर्जी , सयुक्त राष्ट्रसंघका महासचिव वान कि मुन सहित २० भन्दा बढी राष्ट्रप्रमुखहरु सो परेडमा अतिथिको रुपमा उपस्थित भएका छन् ।
उता अमेरीका लगायतका युरोपेली मुलुकहरुले भने युक्रेन मुद्धालाई देखाउदै उक्त परेडको बहिष्कार गरेका छन् ।
रुसले पछिल्लो समय विकास गरेको हतियार तथा युद्ध प्रविधि र कलाको प्रदर्शन गर्ने छ । यस परेडमा दशौं हजार सेनाले मार्च पास गरेका छन् ।
सो परेडको उद्घाटन गर्दै रुसी राष्ट्रपति भ्लादीमीर पुटिनले अहिले अन्तराष्ट्रिय समन्वयको काम खतरामा रहेको बताउनु भयो ।
उहाले दोस्रो विश्व युद्धमा रुसको जीतमा बेलायत, फ्रान्स र अमेरीकी जनताको सहयोगका लागि धन्यवाद समेत दिनु भयो ।
उहाले नाम उल्लेख नगरी अहिले अन्तराष्ट्रिय समन्वयको सिद्धान्तहरुको पालना नभएको भन्दै पश्चिमा राष्ट्रहरुको आलोचना गर्नु भयो ।
दोस्रो विश्व युद्धमा स्टालीनको नेतृत्वमा लडेको रुसले लामो प्रयास पछि जर्मनमाथि जीत हासिल गरेको थियो ।
जुन लडाईमा अनुमानित एक करोड ६० लाख जति रुसी नागरिक मारिएको अनुमान गरिएको छ । -एजेन्सी
