अमेरिका र इरानबिच चलिरहेको युद्ध सातौँ महिनामा प्रवेश गरिरहेका बेला अमेरिकी सरकारले न्युयोर्कमा आयोजना हुने संयुक्त राष्ट्रसङ्घको महासभामा सहभागी हुन इरानी अधिकारीहरूलाई भिसा उपलब्ध गराएको छ।
बीबीसीका अनुसार अमेरिका प्रवेशको अनुमति पाउने प्रतिनिधिमण्डलमा इरानका राष्ट्रपति मसुद पेजेस्कियान र विदेशमन्त्री अब्बास अराघचीसमेत समावेश छन्। अमेरिकी विदेश विभागका प्रवक्ताले बिहीबार यस निर्णयको पुष्टि गर्दै राष्ट्रसङ्घको आयोजक मुलुकका रूपमा आफ्नो अन्तर्राष्ट्रिय दायित्व पूरा गर्न इरानी प्रतिनिधिमण्डललाई महासभाको उच्चस्तरीय बैठकमा भाग लिने स्वीकृति दिइएको स्पष्ट पारेका छन्।
तर, भिसा जारी गरिए पनि इरानी प्रतिनिधिमण्डलमाथि कडा यात्रा प्रतिबन्ध लागू हुनेछ। उनीहरूलाई तोकिएको दायराभन्दा बाहिर जान र विलासिताका अमेरिकी वस्तुहरू खरिद गर्न प्रतिबन्ध लगाइएको छ। गत वर्षको तुलनामा यस पटक इरानको प्रतिनिधिमण्डलको आकार निकै सानो बनाइएको अमेरिकी विदेश विभागले जनाएको छ।
