युरोपेली सङ्घले सोमबार युरोपेली दाताहरूले युद्धबाट प्रभावित गाजाको प्रारम्भिक पुनःस्थापना प्रयासका लागि करिब १ अर्ब अमेरिकी डलरको रकम उपलब्ध गराउने जानकारी दिएको छ।
“हामी आज लगभग ९०० मिलियन युरो वा एक अर्ब अमेरिकी डलरको प्रारम्भिक प्याकेज प्रस्तुत गर्दैछौँ,” इयूका भूमध्यसागरमामिलासम्बन्धी आयुक्त डुब्राभ्का सुइकाले ब्रसेल्समा आयोजित दाताहरूको बैठक अघि बताउनुभयो ।
“हामीलाई गाजाका जनतासम्म यो सहयोग पु¥याउन सक्ने माध्यम चाहिएको छ,” उहाँले भन्नुभयो ।
यो कोषमा गाजाका लागि पहिले नै प्रतिबद्ध रकम पनि समावेश छ । यो रकम इजरायलको सैन्य अभियानबाट बाँकी रहेको भग्नावशेष हटाउन र पानी, ढल निकासीजस्ता आधारभूत सेवाहरू पुनर्निर्माण गर्न प्रयोग गरिनेछ।
ब्रसेल्सले भनेको छ, “बेल्जियम, डेनमार्क, फिनल्याण्ड, फ्रान्स, जर्मनी, इटाली, नेदरल्याण्ड्स, नर्वे, स्पेन, स्वीडेन र स्विट्जरल्याण्डका सरकारहरूका साथै युरोपेली आयोग र युरोपेली लगानी बैङ्क सहभागी छन्।”
इयूका अनुसार आयुक्त सुइकाले हालै इजरायल भ्रमणका क्रममा गाजामा फोहोर र पानी व्यवस्थापनका दुई ठूला परियोजनाहरू कार्यान्वयनका लागि इजरायली अधिकारीहरूसँग सहमति गरेको छ ।
उहाँले दाताहरू ‘उनीहरूकै भाषामा प्रारम्भिक पुनःस्थापना’ बाट काम सुरु गर्न चाहन्छन् र ‘हामी यो गर्न तयार छौँ भन्ने देखाउनु अत्यन्त जरुरी’ भएको बताउनुभयो ।
“त्यसका लागि हमासको निशस्त्रीकरण आवश्यक छ, जसले मात्र उचित पुनःस्थापना सुरु गर्न सकिन्छ,” उहाँले भन्नुभयो ।
अहिले पनि गाजाको मानवीय सहायताको आवश्यकता अत्यधिक छ ।
संयुक्त राष्ट्रसङ्घका अनुसार पूर्ण पुनर्निर्माण गर्न वर्षौं लाग्नेछ र अर्बौं डलर आवश्यक पर्नेछ । भग्नावशेष हटाउने उपकरण र निर्माण सामग्री अझै अत्यन्त कम छ ।
ब्रसेल्स बैठकमा सहभागी अमेरिकी राष्ट्रपति डोनाल्ड ट्रम्पको शान्ति समितिका प्रतिनिधिले उक्त रकम युद्धपछिको गाजाको तयारीमा सहयोग गर्नका लागि प्रयोग गरिनेछ ।
सुइकाले यसले पुनर्निर्माण प्रयासमा ‘समन्वय र पूरकता’ सुनिश्चित गर्ने बताउनुभयो ।
प्यालेस्टिनी प्रधानमन्त्री मोहम्मद मुस्तफा सहभागी भएको यो बैठक प्यालेस्टिनी प्राधिकरणको सुधारको मूल्याङ्कन र थप सहयोगका लागि पनि हो ।
प्यालेस्टिनीहरूका लागि इयू सबैभन्दा ठूलो अन्तर्राष्ट्रिय दाता हो ।
सन् २०२३ अक्टोबर ७ मा प्यालेस्टिनी लडाकूहरूको इजरायलमाथिको अकल्पनीय आक्रमणपछि सुरु भएको दुई वर्षको युद्धपछि गाजामा इजरायल र हमासबीच अक्टोबरमा युद्धविराम भएको थियो।
युद्धविरामको दोस्रो चरण अर्थात् हमासको निशस्त्रीकरण र इजरायली सेनाको क्रमिक फिर्ती महिनौँदेखि रोकिएको छ ।
