तेहरान — इरानी सैन्य बलले आफ्नो पानीजहाजलाई निसाना बनाएपछि अमेरिकी नौसेनाका युद्धपोतमाथि जवाफी आक्रमण गरेको दाबी गरेको छ। यो घटनाले अमेरिका–इरानबीचको नाजुक युद्धविरामा गम्भीर दरार देखाएको छ।
इरानको खातम अल-नबिया केन्द्रीय मुख्यालयले बिहीबार जनाए अनुसार अमेरिकी सेनाले कतिपय क्षेत्रीय मुलुकको सहकार्यमा क्युस्म टापुसहित नागरिक क्षेत्रमा हवाइ आक्रमण गरी युद्धविरामा पनि उल्लङ्घन गरेको थियो।
इरानी सेनाको भनाइ छ : ‘आक्रामक, आतंककारी र डाँकू अमेरिकी सेनाले युद्धविरा उल्लङ्घन गर्दै इरानी ट्याङ्करलाई निसाना बनायो। जवाफमा हामीले अमेरिकी युद्धपोतलाई ठूलो क्षति पुर्यायौं।’
इरानको इस्लामिक क्रान्तिकारी गार्ड कोर (IRGC) नौसेनाले ब्यालेस्टिक क्षेप्यास्त्र, एन्टीशिप क्रुज मिसाइल र उच्च विस्फोटक हतियारले सजिएटा ड्रोन प्रयोग गरेको उल्लेख गरेको छ।
जवाफमा अमेरिकी सेनाको सेन्ट्रल कमान्ड (CENTCOM) ले भनेको छ : ‘हामीले उत्तेजक रहित इरानी हमला रोक्यौं र आत्मरक्षामूलक प्रतिकार गर्यौं। हाम्रो कुनै पनि सम्पत्तिमा क्षति पुगेको छैन। अमेरिका तनाव वृद्धि चाहँदैन, तर आफ्ना सेनाको सुरक्षाका लागि पूर्ण रूपमा तयार छ।’
यो इरानको पोर्ट नाकाबन्दीविरुद्ध पहिलो सैन्य जवाफी हो। पछिल्ला साताहरूमा अमेरिकाले धेरै इरानी जहाज जफत गरिसकेको छ भने दर्जनौंलाई फर्काउन आदेश दिएको छ। यो नौसैनिक घेराबन्दी ट्रम्पको दबाब अभियानको मुख्य हतियार हो।
इरानी सञ्चारमाध्यमका अनुसार क्युस्म टापु, बन्दर अब्बास र मिनाबको बन्दरगाहमा विस्फोटको आवाज सुनिएको छ। अर्धसरकारी समाचार एजेन्सी तस्नीमले तीन अमेरिकी विध्वंसक जहाजमाथि आक्रमण भई ती ओमानको खाडीतर्फ भागेको स्रोतको हवाला दिँदै उल्लेख गरेको छ।
यो झडप त्यसबेला भएको हो, जब वाशिङ्गटन र तेहरानबीच युद्ध अन्त्यका लागि उन्नत वार्ता भइरहेको समाचार छ। सोमबार अमेरिकाले सात इरानी ड्रोन मारिएको र इरानले संयुक्त अरब इमिरेट्सविरुद्ध ड्रोन तथा मिसाइल आक्रमण नवीकरण गरेको बताइएको थियो।
