मध्यपूर्वमा जारी युद्धविराम र शान्ति स्थापनाका लागि पाकिस्तानको राजधानी इस्लामावादमा भइरहेको उच्चस्तरीय वार्ता बिना कुनै सम्झौता टुङ्गिएको छ। अमेरिकी टोलीको नेतृत्व गरिरहेका उपराष्ट्रपति जेडी भेन्सले वार्ता असफल भएको र आफूहरू अमेरिका फर्कन लागेको घोषणा गरेका छन्।
शनिबारदेखि सुरु भएको वार्ता झण्डै २१ घण्टासम्म चले पनि कुनै ठोस सहमति जुट्न सकेन।
इरानले यस जलक्षेत्रमा अमेरिकी जहाजहरूमाथि आक्रमण गर्ने चेतावनी दिएको छ भने राष्ट्रपति ट्रम्पले जुनसुकै हालतमा यो मार्ग खुला राख्ने अडान लिएका छन्।
अमेरिकी सर्त अस्वीकार: उपराष्ट्रपति भेन्सका अनुसार इरानले अमेरिकाले अघि सारेका सर्तहरू मान्न अस्वीकार गरेपछि वार्ता निष्कर्षविहीन भएको हो।
“हामीले इरानसँग धेरै महत्त्वपूर्ण विषयमा छलफल गर्यौँ, तर दुःखद कुरा हामी कुनै सम्झौतामा पुग्न सकेनौँ। इरानले हाम्रा सर्तहरू मानेन, त्यसैले हामी अमेरिका फर्कदैछौँ।” – जेडी भेन्स, अमेरिकी उपराष्ट्रपति
वार्तामा सहभागी टोली:
अमेरिका: उपराष्ट्रपति जेडी भेन्स, विशेष दूत स्टिभ विट्कफ र जेरेड कुश्नर।
इरान: संसदका सभामुख मोहम्मद गालिबफ र विदेशमन्त्री अब्बास अराघची।
गत ८ अप्रिलमा भएको अस्थायी युद्धविरामपछि यो वार्तालाई निकै महत्त्वपूर्ण मानिएको थियो। वार्ता असफल हुनुले मध्यपूर्वमा पुनः युद्धको बादल मडारिने र विश्व बजारमा इन्धनको मूल्यमा असर पर्न सक्ने देखिएको छ। लेबनानमा जारी युद्ध र होर्मुज स्ट्रेटको सुरक्षा अहिले पनि सबैभन्दा ठूलो चुनौतीको रूपमा रहेको छ।
