अमेरिकी उपराष्ट्रपति जेडी भ्यान्सले सङ्क्षिप्त मिडिया प्रतिक्रियामा जानकारी दिएका छन् कि उनी इरानसँगको वार्तामा कुनै सम्झौता हासिल नगरी अमेरिका फर्कने भएका छन्।
उपराष्ट्रपति भ्यान्सले आफ्नो टिप्पणी सुरु गर्दै पाकिस्तानी प्रधानमन्त्री र सेना प्रमुखलाई “अद्भुत आयोजक” भन्दै धन्यवाद व्यक्त गरे।
उनले भने, “वार्ताका जुनसुकै कमजोरी भए पनि त्यो पाकिस्तानी पक्षको कारणले होइन। उनीहरूले अमेरिका र इरानबीचको दूरी कम गर्न अद्भुत काम गरे र सम्झौताका लागि साँच्चै प्रयास गरे।”
“हामी अहिले २१ घण्टादेखि वार्तामा छौं, र इरानी पक्षसँग हाम्रा धेरै ठोस छलफलहरू भएका छन्। यो सकारात्मक पक्ष हो,” भ्यान्सले थपे।
तर नराम्रो पक्ष के छ भने कुनै सम्झौता हुन सकेको छैन। भ्यान्सले भने, “मलाई लाग्छ, यो अमेरिका भन्दा इरानका लागि बढी नराम्रो समाचार हो।”
उनले स्पष्ट पार्दै भने, “हामीले आफ्ना रेखाहरू (रातो रेखा) स्पष्ट रूपमा बताइसकेका छौं—हामी कुन कुरामा सहमति दिन सक्छौं र कुन कुरामा दिन सक्दैनौं भन्ने कुरा उनीहरूका लागि सकेसम्म स्पष्ट पारिसकेका छौं। तर उनीहरूले हाम्रा सर्तहरू मान्न अस्वीकार गरेका छन्।”
“त्यसैले हामी कुनै सम्झौता बिना नै अमेरिका फर्कदैछौं।”
