१९ पुस, काठमाडौं । भेनेजुएलामा अमेरीकी बमबारीको विश्वका विभिन्न देशहरुले कडा विरोध जनाएका छन् ।
ट्रम्पले भेनेजुएलाको राजधानी काराकासमा आक्रमणपछि राष्ट्रपति मादुरोलाई पक्राउ गरिएको दाबी गरेपछि विभिन्न देशबाट प्रतिकृया आउने क्रम जारी छ ।
अमेरीकी आक्रमणको विरोध गर्दै कोलम्वियाका राष्ट्रपति गुस्तावो पेट्रोले यो हमला शान्ति, मानवको जीवन र आत्मसम्मान एवं अन्तराष्ट्रिय कानुनको बिरुद्ध भएको बताएका छन् ।
यसै गरी क्युवाका राष्ट्रपति मिगृएल डियाज केनेलले भेनेजुएलामाथिको अमेरीकी आक्रमण गंभीर अपराध भन्दै अन्तराष्ट्रिय कदम चाल्नु पर्ने माग गरेका छन् ।
यसै गरी ईरानको विदेश मन्त्रालयले विज्ञप्ति जारी गरी अमिेरीकी आक्रमणको कडा निन्दा गर्दै भेनेजुएलाको राष्ट्रिय सार्वभौम सत्ता र अन्तराष्ट्रिय कानुनको खिलाफ भएको भन्दै आपत्ति जनाएको छ ।
यसै गरी रुसले भेनेजुएलामाथिको आक्रमणको कडा निन्दा गरेको जनाएको प्रारम्भिक प्रतिकृया दिएको छ ।
अन्य देशहरुले पनि प्रतिकृया दिने क्रम जारी छ ।
भेनेजुएलाको राजधानी काराकस सहित विभिन्न शहरमा आक्रमण गरेर राष्ट्रपति निकोलस मदुरो र उनकी पत्नीलाई कब्जा गरेको अमेरीकी राष्ट्रपति डोनाल्ड ट्रम्पले बर्ताएका छन् ।
