१९ पुस, काठमाडौं । अमेरिकी राष्ट्रपति डोनाल्ड ट्रम्पले भेनेजुएलाका राष्ट्रपति निकोलस मादुरोलाई कब्जा गरेको दाबी गरेका छन् ।
ट्रम्पले भेनेजुएलाको राजधानी काराकासमा आक्रमणपछि मादुरोलाई पक्राउ गरिएको दाबी गरेका हुन् ।
भेनेजुएलाको राजधानी काराकासमा आक्रमण गरेको ट्रम्पले स्वीकार गरेका छन् ।
ट्रम्पले ट्रुथ सोशलमा लेखेका छन्, ‘अमेरिकाले भेनेजुएला र उसका नेता, राष्ट्रपति निकोलस मादुरो विरुद्ध सफलतापूर्वक ठूलो स्तरमा आक्रमण गरेको छ । मादुरोलाई उनकी पत्नी साथ पक्राउ गरिएको छ र देशभन्दा बाहिर लगिएको छ ।’
राजधानी काराकासमा भएको आक्रमणपछि राष्ट्रपति मादुरोले देशमा राष्ट्रिय संकटकालको घोषणा गरेका थिए ।
मदुरोले अमेरीकी आक्रमण भेनेजुएलालाई उपनिवेश बनाउने लक्ष्य भन्दै त्यो पूरा हुन नदिने चेतावनी दिएका थिए ।
उनी पक्राउ परे नपरेको भेनेजुएलाका अधिकारीहरुले स्पष्ट गर्न सकेका छैनन् ।
