बुटवल, ३० वैशाख गएराति देखि परेको अबिरल वर्षाका कारण बुटवलका विभिन्न क्षेत्र डुवानमा परेका छन् । भारी वर्षाले बुटवलको व्यापारिक रुपमा रहेको अमरपथ ,न्युरोड क्षेत्र जलमग्न भएको छ भने केही घर पसलहरु हिलाम्य भएका छन् ।
पसल भित्र पानी र हिलो पस्था सामानहरु खराब भएका छन् । त्यसैगरी राससको प्रदेश कार्यालय, रुपन्देही उद्योग संघको कार्यालय, पश्चिम नेपाल बस समितिको कार्यालय सबै डुबानमा परेका छन् । स्थानीय समासेवी तथा व्यापारि अनिल कुवँरले नाला माथि बाटो बनाउदा धेरै समयदेखि प्लास्टिकजन्य वस्तु नालाहरुमा फाल्दा नाला बुझिन गई यस्तो अवस्था आएको बताए ।
नगरपालिकाले सरसफाई अभियान चलाएको भए यस्तो क्षति नहुने भन्दै अब सर्तक रहन सुझाएका छन् । ईलाका प्रहरी कार्यालय बुटवलका डिएसपी विजयराज पण्डितले के कति क्षेति भाको भन्ने अहिले सम्म कुनै क्षेत्रबाट केही जानकारी नआएको बताए ।
