सात अक्टोबर देखि हमास बिरुद्धको कार्बाही भन्दै ईजरायलले प्यालेष्टाईनको गाजा क्षेत्रमा विध्वंश जारी राखेको छ । यस क्रममा उसले गाजामा दुई वटा ठूला अस्पताल अल साफिया र अल क्वाडस्मा थप आक्रमण गरेको छ । जसका कारण ती दुबै अस्पताल बन्द भएको छ ।
अन्तराष्ट्रिय सञ्चार माध्यमका अनुसार ईजरायली सेनाले अल सफिया अस्पताल छेउछाउ हिँड्ने प्यालेष्टाईनी नागरिकलाई गोली हानेर हत्या गरिरहेको छ ।
दुई अस्पताल बन्द भएपछि त्याहाँ बिरामीहरुको उपचार नपाएर मृत्यु भईरहेको छ । विश्व स्वास्थ्य संगठनका महासचिव टेड्रोस अदनम गेब्रिसियसले दुखद रुपमा नवजात शिशुहरुको मृत्यु भईरहेको भन्दै गंभीर चिन्ता व्यक्त गरेका छन् ।
ती अस्पतालहरुमा ईजरायली आक्रमणबाट असुरक्षा एकातिर र अर्कोतिर बिद्युत र ईन्धनको समेत अभाव भएको छ ।
गाजामा मानवीय सहायताको लागि युद्ध बिराम गर्न अन्तराष्ट्रिय समुदायले दबाब दिए पनि अमेरीकी सहयोगमा ईजरायलले त्यसको वेवास्ता गर्दै निरन्तर आक्रमण जारी राखेको छ ।
ईजरायली हमलामा ५ हजार बालबालिका सहित ११ हजार भन्दा धेरै प्यालेष्टाईनीको मृत्यु भईसकेको बताईएको छ ।
