माघ २२ काठमाण्डौँ । रवि लामिछानेलाई पुनः गृहमन्त्री बनाउन दबाब स्वरुप रास्वपाले दिएको दोस्रो अल्टिमेटम पनि सकिएको छ । लामिछानेले पहिलो पटक एक दिनको अल्टिमेटम दिएर गृहमन्त्री बनाउनु पर्ने नत्र सरकारलाई दिएको समर्थन फिर्ता लिने चेतावनी दिएका थिए ।
त्यसपछि पनि प्रधानमन्त्रीले सर्वोच्चको फैसलाको पूर्ण पाठ आईनसकेको र गैर सांसदलाई तत्काल मन्त्री नबनाउने अडान राखेपछि लामिछानेले केपी ओली र राजेन्द्र लिंग्देन मार्फत दबाब सृजना गराएका थिए ।
तर त्यो पनि असफल भएपछि हिजो बेलुका नै रास्वपाको अल्टिमेटम सकिए पनि उसले राति बसेको बैठकबाट सरकारबाट फिर्ता हुने निर्णय लिन सकेन ।
सो पार्टी भित्र लामिछानेले मन्त्री नपाउदैमा सरकार छाडिहाल्न नहुने मत बलियो बन्दै गएकाले लामिछानेको एकल निर्णय वा प्रस्ताव कमजोर हुन थालेको छ ।
आज पनि रास्वपाको बैठक बस्दैछ । आजको बैठकमा गृह बाहेकको मन्त्रालय लिन प्रधानमन्त्री र ओलीेले प्रस्ताव गरेको विषयमा छलफल हुँदैछ ।
दुबै शीर्ष नेताले लामिछानेलाई आफू सरकारमा सहभागी नहुन र अरुलाई पठाउन सुझाव दिएको बुझिएको छ ।
