माघ १ काठमाण्डौँ । नेपालको संसदीय ईतिहासमा अभूतपूर्व विस्वासको मत पाएका प्रचण्डले तेस्रो कार्यकाल एक हिशाबले कीर्तिमानी खडा गर्न सफल भएका छन् ।
कारण संसदमा ९९ प्रतिशत बढी सबै दलका सांसदको समर्थन पाएका छन् ।
उनलाई शुरुमा प्रधानमन्त्री दिन अस्वीकार गरेको काँग्रेसले समेत अन्ततः विस्वासको म त दिएर गुण लगाएको छ ।
शुरुमा काँग्रेससँगै मिलेर चुनाव लडेका प्रचण्डले पार्टीको ३२ सिट मात्रै हुँदा प्रधानमन्त्री हुन सफल मात्र भएनन् ऐतिहासिक विस्वास पनि जितेका छन् संसदमा ।
त्यही विस्वासलाई कायम राख्न प्रचण्डले काँग्रेसलाई समेत सहमतिमा लिन खोजीरहेका छन् ।
शुरुमा आफू प्रधानमन्त्री भएर काँग्रेसका वरिष्ठ नेता रामचन्द्र पौडेललाई राष्ट्रपति बनाउन तयार प्रचण्ड काँग्रेसले प्रधानमन्त्री दिन नमान्दा एमालेलाई सभामुख र राष्ट्रपति दिने गरी प्रधानमन्त्री भएका छन् ।
त्यो सहमति अनुसार सरकारमा सबै भन्दा धेरै मन्त्रालय पनि एमालेले पाउने छ ।
यस्तो स्थितिमा एमालेले सभामुख र राष्ट्रपति छाडिहाल्न तयार देखिँदैन । तर एमालेले कुनै विन्दुमा सहमति गरेन भने काँग्रेसको समर्थन कायम रहने भएकाले प्रचण्डले दुबै शक्तिलाई मिलाएर सभामुख र राष्ट्रपति बाँड्ने प्रयास गरेको बुझिएको छ ।
प्रचण्डले सार्वजनिक रुपमै शनिबार सभामुख र राष्ट्रपतिका विषयमा काँग्रेससँग पनि छलफल हुने बताएका छन् । अनौपचारीक रुपमा काँग्रेसका नेताहरु समेत दुई मध्य एक पद त्यसमा पनि राष्ट्रपति हत्याउन लागि परेका छन् ।
यो स्थितिमा प्रचण्डले आफ्नो रणनीतिलाई कसरी अघि बढाउछन् त्यसलाई लागू गर्न सके उनले दुबै दलको भागमा सभामुख र राष्ट्रपति दिन सक्छन् ।
माघ ५ गते नै सभामुखको निर्वाचन हुँदैछ ।
