असोज २९ काठमाण्डौँ । प्रचण्डको लागि गोरखा चुनाव बाहेक अन्य हिशाबले नौलो छैन । शिक्षक भएर गाँउमा कुसल शिक्षकको रुपमा अध्यापन गराएको, मशाल बाल्ने देखि आन्दोलनको शिक्षा त्यही गोरखाबाट लिएको, जनयुद्ध थाल्ने निर्णय त्यही गोरखाबाट भएको, प्रचण्डले लडाकु तालिम लिएको त्यही गोरखा हो ।
अत चुनाव लड्नु बाहेक राजनीतिक हिशाबले पनि प्रचण्डका लागि गोरखा नयाँ भने हैन । तर उनले पटक पटक चितवन तीन बाटै लड्ने अन्तिम सम्म बताईरहेका प्रचण्ड अचानक गोरखा पुगेपछि सामाजिक सञ्जालमा भागेको, हार्छु भन्ने डरले भागेको भन्ने टिप्पणीहरु भए ।
घुम्दै पटक पटक फरक फरक ठाँउबाट चुनाव लड्नेमा प्रचण्डले उनकै शब्दमा शायद रेकर्ड बनाएको छ । उनी ६४ सालमा रोल्पा र काठमाण्डौँ १० बाट निर्वाचित भए ।
७० सालमा सिराहा ४ र काठमाण्डौँ १० मै लडे पनि काठमाण्डौमा पराजीत भए ।
त्यसपछि ७४ मा उनी चितवन ३ बाट निर्वाचित भएका थिए । सो क्षेत्रमा पर्ने भरतपुर महानगरपालिकाकी मेयर रेणु दाहाल प्रचण्डको चुनावी कमाण्डर समेत तोकिसकिएकी थिईन् ।
चितवनमा विकास बजेट र कार्यक्रम अत्याधिक पारेका प्रचण्डलाई उनकै शब्दमा काँग्रेस एमालेका नेता, जनप्रतिनिधि सबैले पटक पटक चितवन नछाड्न आग्रह गरेका थिए । त्यसैले उनी हार्ने डरले हैन, ऐतिहासिक गोरखामा पनि धेरै माग भएकाले त्यता गएका हुन् ।
चितवनमा दुई वटा त्रास भने थियो । एउटा जगन्नाथ पौडेल, दिनेश कोईराला जस्ता काँग्रेस भित्रका बागी, एमालेले राप्रपा वा बागीलाई समर्थन गरे मतका हिशाबले तेस्रो स्थानमा रहेको माओवादीलाई चितवन ३ कठिन पनि हुन सक्थ्यो । तर पछिल्लो स्थानीय चुनावमा रेणु दाहालको जीतले तेस्रो हुँदा पनि जनताको माया पाँउदा जीत्न सकिन्छ भन्ने नजिर थियो ।
तर त्यो गज्यागं गुजुगं भन्दा अलि सहज गोरखा प्रचण्डले ठान्नुको अर्को कारण हो परानो सहकर्मि डा. बाबुराम भट्टराई फेरी माओवादीको झण्डा मुनि गोलवद्ध हुनु पनि हो ।
बाबुराम भट्टराईसँग प्रचण्डको ईन्टिमेसी बढेसँगै उनकै प्रस्तावमा गोरखा छनौट भएको बुझाई पनि माओवादी भित्र छ । एक त गोरखामा स्थानीय चुनाव पछि माओवादी आफै पहिलो शक्तिका रुपमा छ । त्यसमा बाबुराम भट्टराई पनि मिसिदाँ लगभग जित निश्चित छ ।
बाबुरामले गोरखामा गुण लगाउदा काठमाण्डौ ७ मा मानुषीलाई आधिकारीक टिकट दिएर प्रचण्डले गुण फिर्ता गरेका छन् । भट्टराई पक्षका पाँच नेतालाई समानुपातिक सूचीमा पनि प्रचण्डले नाम समावेश गरिदिएका छन् ।
चुनाव पछि पार्टीको कार्यविभाजन मिलाएर बाबुराम र प्रचण्डबीच बलियो एकता हुने संभावना पनि छ । त्यो परिणामका लागि अहिले आधार बनाउन पनि प्रचण्ड गोरखा भएको अनुमान गरिएको छ ।
जे भए पनि काँग्रेसको साथ, बाबुराममाथिको भरोसा र आफ्नै पार्टीको बलियो शक्ति रहेका कारण प्रचण्ड निर्धक्क निर्वाचित हुने मनशायमा देखिएका छन् ।
अर्कोतिर जनमोर्चाबाट एकीकरण मार्फत आएका नारायणकाजी श्रेष्ठ पनि गोरखाकै भएको र भट्टराई र श्रेष्ठको बलियो साथ रहेकाले प्रचण्ड खुसी र निर्धक्क देखिन्छन् ।
