भदौ १० काठमाण्डौँ । काठमाण्डौंमा सावजनिक जग्गा मिचेर अवैध संरचना बनाएर भाडामा लगाएर खानेहरुलाई लक्षित गर्दै मेयर बालेन्द्र शाहले धमाधम आफै पुगेर डोजर लगाउन थालेपछि तरंग चलिरहेको छ ।
हिजो बिहान केही वादविवाद पछि मेयर शाह आफै पुगेर बिजुली बजारमा रहेको कम्लेक्सले अतिक्रमण गरी बनाएको संरचनाको नक्सा हेरेरै डोजर लगाएका थिए ।
त्यसको बिरोधमा एमालेका सांसद एवं ओली निकट मानिने महेश बस्नेतले सामाजिक सञ्जालमा आक्रोश पोखेका छन् ।
बालेन शाहले अल्फाबिटा कम्प्लेक्समाथि किन डोजर लगाएको ? नक्सा पास भएर अनुसार घर नबनेकाले या हामीसँग नजिक भएर फोटो खिचेका कारणले ?
बस्नेतले अगाडी लेखेका छन् , पहिलो कारण हो भने जायज होला, नाजायज भएपनि सम्बन्धित पिडितहरुले कानूनी उपचार खोज्लान नै। दोश्रो कारण हो भने त हामी समेत मिलेर कसैको सन्कि र लहडी आतंक नियन्त्रण गर्न बाध्य हुने छौ ।
त्यसको पाँच घण्टा पछि फेरी बस्नेतले अर्को स्टाटस लेखेर बालेनलाई ब्यग्य र चेतावनी दुवै दिएका छन् ।
डोजर चलाउन रहर भए ड्राइभिङ्ग सिकेर आउनुहोला । अनि २/४ सय फेस बुके फ्यान भए भनेर नमात्तिनु बिगतका यस्ता २/४ सय फेसबुके फ्यान भएका म्यान अहिले कहाँ छन खोज्नै पर्ने भाको छ्। गाली गलौजको संस्कृति हाम्रो संस्कृति होइन । त्यस्को बिकाश र प्रोत्साहनमा अहिलेत रमाइलै होला पछि तपाईका बिरोधिले पनि तेही शैली अपनाए भने गार्हो होला। बस्नेतले लेखेका छन् ।
त्यसपछि बालेन शाहले पनि यो स्टाटसमा कमेन्ट गरेका छन् ।
उनले अल्फाबिटाका मालिक शर्मासँग खिचेको फोटो राखेर नियम कानुन सबैले पालना गर्नु पर्छ कमरेड, बरु तपाईको घरको नक्सा पास छ कि छैन ?
केही दिन अघि मात्रै एमाले सांसद योगेश भट्टराईले संसदमै बोलेर फोहोर फाल्न यो सरकारले सहयोग नगर्ने भन्दै एमालेले सहयोग गर्ने बताएका थिए । केही दिन एमालेको युवा संघले सडकमा फोहोर पनि उठायो ।
तर जब घरहरु भत्किदै जादा अल्फाबिटा कम्लेक्समा चर्चाचर्की परे लगत्तै मेयरले डोजर चलाए । महेश बस्नेत बालेन शाहकै बिरुद्ध उत्रिएका हुन् ।
बालेनको यो पछिल्लो एक्सनको प्रशंसा बढीरहेको देखिन्छ भने साना व्यवशायीहरु भने आक्रोशित र निराश बनेका छन् ।
