भदौ ८ चितवन । नेकपा माओवादी केन्द्रका अध्यक्ष प्रचण्डले आमा वावु नै नेपाली नागरिक भएका तर तिनका छोराछोरीले नागरिकता नपाएकाहरुका लागि अहिलेको नागरिकता विधेयक आएको बताएका छन् ।
यो विधेयक राष्ट्रिय सभाबाट पारित भएपछि राष्ट्रपति समक्ष पुनः प्रमाणिकरणका लागि जाने पनि प्रचण्डले बताए ।
चितवन भरतपुर विमानस्थलमा आज पत्रकारहरुसँग कुरा गर्दै प्रचण्डले बैबाहिक अंगीकृत नागरिकताको म्याद सात वर्ष राख्नु पर्छ भनेर संसदीय समितिमा सहमति भएको र त्यो संसदमा लैजाउ भन्दा ओलीले अटेर गरेको तर पछि नागरिकता अध्यादेश मार्फत अहिलेकै प्रावधान राखेर आएको स्मरण गराउदै ओलीले अध्यादेशका रुपमा त्यही कुरा ल्याउदा राष्ट्रवादी र अहिले संसदले त्यही कुरा ल्याउदा राष्ट्रघाती हुने हुन्छ ? भन्दै प्रश्न गरे ।
एमालेले जनतालाई भ्रम दिन कोशिस गरेको भन्दै तर अब जनता चनाखो भईसकेकाले एमालेको भ्रममा नपर्ने प्रचण्डको भनाई छ ।
एमालेले राष्ट्रवादको मुखुण्डो लगाएर भोट बटुल्न सकिन्छ भन्ने दुस्साहस गरीरहेको भन्दै त्यो संभावना नरहेको पनि उनले बताए ।
