साउन २९ काठमाण्डौँ । नेकपा माओवादी केन्द्रका अध्यक्ष प्रचण्ड र नेपाल समाजवादी पार्टीका अध्यक्ष डा. बाबुराम भट्टराईबीच आज पनि वार्ता भएको छ ।
प्रचण्ड निवास खुमलटारमा दुई नेताबीच छलफल भएको हो । यस अघि पनि दुई नेताबीच पटक पटक छलफल भएको थियो ।
भट्टराईले आफ्नो पार्टी पनि सत्ता गठबन्धनमा सामेल गरेर निर्वाचनमा जाने प्रस्ताव राखेपछि त्यसप्रति प्रचण्ड सकारात्मक देखिएका छन् ।
भट्टराईले खास गरी माओवादीसँग तालमेल गर्दा मात्रै गोरखामा चुनाव जित्ने संभावना रहेको हुँदा उनी माओवादीकै चुनाव चिन्हबाट समेत निर्वाचनमा जान तयार भएको बुझिएको छ ।
नेसपालाई गठबन्धनमा ल्याउने विषयमा सत्तारुढ गठबन्धनले भोलीको बैठकबाट निर्णय लिनेछ । यस अघि भट्टराईले प्रधानमन्त्री देउवालाई समेत भेटेर गठबन्धनमा सामेल हुने ईच्छा व्यक्त गरेका थिए । त्यतिखेर देउवाले गठबन्धनका नेताहरुसँग सल्लाह गरेर खबर गर्ने बचन दिएका थिए ।
