साउन २४ काठमाण्डौँ । ताईवान मामिलामा तनाव बढीरहेका बेला परराष्ट्रमन्त्री डा. नारायण खड्काले आजदेखि चीन भ्रमण गर्ने भएका छन् ।
मन्त्री खड्का ११ सदस्यीय टोलीको नेतृत्व गर्दै चीनको तीनदिने भ्रमणमा जान लागेका हुन् ।
उनले चिनियाँ समकक्षी वाङ यीसँग बुधबार चीनको सान्तोङ प्रान्तको छिङ्ताओमा भेट्ने कार्यक्रम छ ।
शेरबहादुर देउवाको नेतृत्वमा सरकार गठन भएपछि पहिलोपटक चीनमा उच्च स्तरीय नेपालको भ्रमण हुन लागेको हो । तर्फ उच्च तहको भ्रमण हुन लागेको हो ।
यस भ्रमणबाट नेपालले छिमेकी प्राथमिकतामा पर्ने संकेत गर्न खोजेको छ ।
यो भ्रमणमा चीनीया राष्ट्रपतिको नेपाल भ्रमणका क्रममा भएका सम्झौताको कार्यन्वयन, बिआरआईमा नेपालको सहभागिताको बिषय, आपसी सहयोग र सम्बन्ध सुधारका बिषयमा केन्द्रीत भएर छलफल हुनेछ ।
चीनका लागि नेपाली राजदूत विष्णुपुकार श्रेष्ठले परराष्ट्रमन्त्रीको चीन भ्रमणका दौरान दुई मुलुकबीचका विद्यमान विषयमा छलफल हुने बताए ।
नेपालमा पछिल्लो समय अमेरीकी गतिविधि बढीरहँदा चीनले चासो दिँदै आएको थियो । अहिले चीनको अमेरीकासँग गंभीर विवाद बढीरहेका बेला नेपालबाट चीन भ्रमण हुनुलाई चीनले सकारात्मक सन्देशको रुपमा लिएको देखिएको छ ।
