काठमाडौं साउन २१ । नेपाल समाजवादी पार्टीका अध्यक्ष डा. बाबुराम भट्टराईले उपेन्द्र यादवको पार्टी जसपा क्षेत्रीय जातिवादी संकीर्ण हुँदै अब पतनको दिशामा गएको टिप्पणी गरेका छन् ।
जसपाबाट कार्बाहीमा परेपछि उनले गठन गरेको नेपाल समाजवादी पार्टीको बैठकलाई आज संवोधन गर्दै उनले अहिले सम्म पटक पटक नयाँ प्रयोग र परिक्षण गर्दै आएको र अझै पनि थुप्रै परिक्षण गर्नु पर्ने बताए ।
भट्टराईले जनता समाजवादी पार्टी क्षेत्रीय संकीर्ण दलको रूपमा पतन भएको बताए ।
जनता समाजवादी पार्टीलाई समाजवादी विचारसहितको वैकल्पिक शक्तिको रूप रूपान्तरणको प्रयास गरे पनि नेतृत्वले पुरानै शैली नत्यागेकाले पनि आफूहरू नयाँ विकल्प रोज्न बाध्य भएको भट्टराईको दावी छ ।
नेपाल समाजवादी पार्टीको पहिलो केन्द्रीय समितिले वैधानिकताको प्रक्रियालाई पूरा गर्ने भन्दै उनले आफूहरूसँग भएको वैकल्पिक विचार र नयाँ प्रणालीले देशलाई वैकल्पिक बाटो देखाउने दाबी गरे ।
भट्टराईले आगामी निर्वाचनमा एक्लै लड्ने वा विचार मिल्नेसँग तालमेल गरेर जाने बारे छलफल हुने बताए ।
