साउन १३ काठमाण्डौँ । परराष्ट्रमन्त्री डा. नारायण खड्काले अमेरिकाको ‘स्टेट पार्टनरसीप प्रोग्राम’लाई अघि नबढाउने पत्र अमेरिकालाई पठाइसकेको संसदलाई जानकारी दिएका छन् ।
आज प्रतिनिधिसभाको बैठकमा विशेष समय लिएर बोल्दै मन्त्री खड्काले एसपीपी अघि नबढाउने निर्णय मन्त्रिपरिषदले गरे अनुसार पत्र पठाईएको बताए ।
साउन ९ गते कुटनीतिक माध्यमबाट नेपालले एसपीपी अघि नबढाउने निर्णयसहितको लिखित जानकारी अमेरिकी सरकारलाई गराइसकेको छ । मन्त्री खड्काले भने ।
उनले कूटनीतिक विषय भएकाले केही समय लागेको भन्दै हाम्रो नीतिमा सरकार प्रतिबद्ध रहेको स्पष्ट पार्दै आगामी दिनमा पनि यो नीतिलाई पछ्याउने बताए।
लष्अ
‘आन्तरिक परामर्श आवश्यक भएकाले पत्राचार हुन केही समय लागेको हो’, उनले ढिलो पत्राचार गरेको विषयमा स्पष्ट पारे।
सरकारले असार ६ गते मन्त्रिपरिषद् बैठकबाटै एसपिपीमा सहभागी नहुने निर्णय गरे पनि पत्राचार नगरेको भन्दै आलोचना हुँदै आएको थियो।
