असार ३० काठमाण्डौँ । चौतर्फी बिरोध बढेपछि एमालेको अर्थ विभाग सदस्य एम अधिकारी गभर्नर नभएका एमालेले दाबी गरेको छ ।
आफ्नो नाम जोडर प्रचार भइरहेको भन्दै महाप्रसाद अधिकारीले पनि एमाले केन्द्रीय कार्यालयलाई पत्र लेखी आफू कुनै पनि पार्टीको सदस्य रहने कुरा सोच्नसमेत नसकिने बताएका छन् ।
सोही पत्रको जवाफ दिँदै एमालेले एम अधिकारी भनेको गभर्नर महाप्रसाद अधिकारी नभएको दाबी गरेको हो ।
एमालेले एम अधिकारी गभर्नर होईन भने पनि पार्टीको महत्वपूर्ण विभागमा प्रतिनिधित्व गर्ने एम अधिकारी नामका व्यक्ति को हुन् त ? भन्ने बारे कुनै स्पष्ट जानकारी दिईएको छैन ।
उक्त पत्रको जवाफमा एमाले केन्द्रीय कार्यालयका सचिव भीष्म अधिकारीले अर्थ विभागमा रहेका एम अधिकारी गभर्नर महाप्रसाद अधिकारी नभएको र सरकारी सेवामा रहेकालाई पार्टीको कुनै विभागमा राख्ने नीति समेत नरहेको दाबी गरेका छन् ।
यसले अझै पनि एम अधिकारी नामक व्यक्ति पत्ता लाग्न नसकेको भन्दै बिरोध भईरहेको छ ।
सदनदेखि सडक सम्म गभर्नर अधिकारी नै एम अधिकारी भएको भन्दै राजीनामाको माग भईरहेको छ ।
