चिनियाँ कम्युनिस्ट पार्टी (सिपिसी) का विदेश विभाग प्रमुख लिउ जियानचाओ नेतृत्वको टोली आज आइतबार नेपाल आइपुगेका छन् ।
गत जुनमा विदेश विभाग प्रमुख बनेका लिउ नेतृत्वको टोली चार दिने भ्रमणका लागि काठमाण्डौँ आईपुगेको हो । चाओको नेतृत्वमा आठ सदस्यीय टोली रहेको छ । चीनीया टोली बत्तीसपुतली स्थित द्धारीका होटलमा बसेको छ ।
भ्रमणमा लिउले राष्ट्रपति विद्यादेवी भण्डारी, प्रधानमन्त्री शेरबहादुर देउवा, एमाले अध्यक्ष केपी शर्मा ओली, सत्तारुढ दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ लगायत नेतासँग भेटवार्ता गर्नेछन् । यसअघि गत चैतमा चिनियाँ विदेशमन्त्री वाङ यीले नेपालको तीन दिने भ्रमण गरेका थिए ।
नेपालमा अमेरीकी परियोजना एमसीसी अनुमोदन भएपछि चीनले सक्रिय चासो देखाउदै आएको छ ।
नेपाल आउनु अघि लिउले माओवादी अध्यक्ष प्रचण्ड, एमाले अध्यक्ष केपी ओली र परराष्ट्रमन्त्री नारायण खड्कासँग भिडियो संवाद गरेका थिए ।
