असार १९ काठमाण्डौँ । नेकपा माओवादी केन्द्रका अध्यक्ष प्रचण्डले पार्टी भित्रको अन्तरघात र काँग्रेसको धोकाका कारण अपेक्षा अनुसार चुनावमा नतिजा नआएको निष्कर्ष निकालेका छन् ।
आजबाट शुरु भएको केन्द्रीय समितिको बैठकमा प्रचण्डले अब अन्तरघातीलाई कार्बाही गर्ने राम्रो तयारी गरेर आगामी निर्वाचनमा पार्टीलाई कम्युनिष्ट मध्य पहिलो शक्तिको रुपमा स्थापित गर्ने गरी लाग्ने बताए ।
प्रचण्डले केन्द्रीय समिति बैठकमा अब गठबन्धनलाई कसरी अघि लैजाने भनेर छलफल हुने पनि बताए । उनले गठबन्धनलाई प्रभावकारी बनाउन सम्भव छ कि छैन भनेर पनि छलफल गरिने बताए । प्रचण्डले पार्टीभित्रका अन्तर्घातीहरुलाई पनि कारबाही गरिने बताए ।
माओवादीलाई हराउन गठबन्धनकै दलहरु लागिपरेको भन्दै प्रचण्डले माओवादी बलियो भएको ठाउँमा अन्य दलले खेलेको र कमजोर भएको ठाउँमा कुनै सहयोग नभएको बताए । रुकुम, रोल्पा, कालीकोट जस्ता जिल्लाहरुमा अरु दल एकातिर र माओवादी एक्लै एकातिर हुनुपरेको पनि प्रचण्डले बताए ।
