नेपालका परराष्ट्मन्त्री डा. नारायण खड्काले नेपाल चीनसँगको मित्रता अझ घनिष्ट बनाउन र सहकार्य गर्न तयार रहेको बताएका छन् ।
चीनीया कम्युनिष्ट पार्टीका विदेश विभाग प्रमुख लिउ जियान चाओसँगको भिडियो संवादमा मन्त्री खड्काले नेपाल एक चीन नीतिप्रति प्रतिवद्ध रहेको पनि दोहोर्याए ।
चीनले गरेको विकास, प्राविधिक आविष्कारले विश्वलाई सन्देश दिएको भन्दै मन्त्री खड्काले नेपालमा गरेको सहयोगका लागि धन्यवाद पनि दिए ।
उनले चीनीया कम्युनिष्ट पार्टीसँग घनिष्ट सम्बन्ध विकास गर्न आफ्नो पार्टी पनि प्रतिवद्ध रहेको बताए ।
सिपिसिका विदेश विभाग प्रमुख लिउले चीनले नेपाल सहित सबै छिमेकीहरुप्रति समान, सम्मानजनक र मैत्रीपूर्ण व्यवहार गरिरहेको उल्लेख गर्दै कम्युनिष्ट पार्टीका महासचिव एवं राष्ट्रपति सि जिन पिगंको नेपाल भ्रमणपछि दुई देशको सम्बन्धमा नयाँ अध्याय शुरु भएको पनि बताए ।
लिउले यस अघि माओवादी अध्यक्ष प्रचण्ड र एमाले अध्यक्ष केपी ओलीसँग पनि संवाद गरेका थिए ।
