असार ३ काठमाण्डौँ । परराष्ट्रमन्त्री डा.नारायण खड्काले अमेरिकाको स्टेट पाट्नर सीप पोग्राम एसपीपी सम्झौताको च्याप्टर क्लोज भइसकेको स्पष्ट पारेका छन् ।
संघीय संसदको अन्तर्राष्ट्रिय सम्बन्ध समितिमा मन्त्री खड्काले प्रधानमन्त्रीको तहबाट पनि सम्झौता हुँदैन भनेपछि एसपीपीको अब च्याप्टर क्लोज भएको बताए ।
उनले भने, स्टेट पाट्नर सीप पोग्राम नेपाललाई स्वीकार्य छैन । नेपाली सेनाको बिज्ञप्ति आइसकेको छ । यो अगाडि बढ्दैन । नेपाल कुनै सैन्य गठबन्धनमा सहभागी नहुने पनि उनले प्रष्ट पारे । यो नेपालको हीतमा छैन । गृहमन्त्रीले पनि हिजो भनिसक्नु भएको छ । अमेरिकी दुतावासले पनि भनिसकेको छ ।ु अब एसपीपीलाई धेरै उचाल्न आवश्यक छैन, मन्त्री खड्काले भने ।
तात्कालिन प्रधानमन्त्री केपी शर्मा ओलीको पालामा नै दुई पटक नेपालले अमेरीकालाई पत्राचार गरेपछि एसपिपि सम्झौताका लागि अमेरीकाले स्वीकृति दिएको पाईएको छ ।
अब प्रधानामन्त्री शेर बहादुर देउवा र प्रधानसेनापतिको अमेरीकाको भ्रमण हुन लागेको सन्दर्भमा यो विवादले उग्र रुप लिँदै गएको छ ।
